贏家勝利道: Ark funds定呃funds?

有新聞

|專欄|3個月

1867
0
0
0

納指經過一輪調整後,已經創返近高。但ARKK 表現比係納指2月16日高位仲當日股價仲係下跌超過20%。

 

Catherine Wood被推上神枱後,不斷有新資金流入ARK 旗下基金。不繼有新錢流入,個個抄契媽功課做股神。估值貴? 無問題,契媽睇緊10年後。

 

木頭姐睇fundamental, 只係以炒股為生既我就冇甘多個十年。一隻基金近60日有9成持倉跑輸大市(截至20/4)。以為上左方舟?但睇表現就似被呃fund。

抄功課邊個未試過,但係讀書個陣個個都搵考第一既黎抄。冇理由你明明見到上年考第一個個今年唔合格都仲走去問佢借黎抄架。

 

暫時方舟既持股我全部都會盡量忍手。冇謂同個市作對。始終市場先生先係親生爸爸。

 

個股方面,台積電TSM,2月見頂後反彈乏力。NVDA同INTC近期都跑蠃。

 

TSM曾經係我倉都估幾重,做散戶既好處就係,我早過契媽清倉。晶片制造龍頭好難唔想買返,不過我等緊兩樣野。

 

1. 契媽清倉,
2. 新竹地區落大雨。

 

晶片制造需要用大量水去清洗晶圓,今年台灣嚴重缺水(真係水唔係錢),新竹地區更甚。6nm 得新竹有廠。


剛剛契媽清倉,又有新聞講緊新竹會落雨。不過天氣控制唔到,唯有控制注碼。今日陽燭破頂的話比返少少關注。

 

FB#贏家勝利道

 

 

筆想努力鳥

 

讀者在此留言必須同意有·新聞的 條款

 0 則留言